Newid yn yr hinsawdd
Mae Duw'r Ddaear yn erfyn am ein gofal ac os na wnawn ni gyfyngu ar ein hallyriadau nwyon tŷ gwydr a’r nifer o rywogaethau sy’n cael eu difa byddwn yn andwyo ein cartref cyffredin yn barhaol gan atal biliynau o blant Duw rhag ffynnu.
Mae'r Eglwys yng Nghymru yn cydnabod bod stiwardiaeth gyfrifol o’r greadigaeth yn rhan annatod o fod yn ddisgybl Cristnogol ac, o ystyried y sefyllfa argyfyngus, yn ymrwymo i leihau ein hallyriadau nwyon tŷ gwydr i sero cyn gynted ag y bo'n ymarferol bosibl, gan ymgorffori gofal am y byd naturiol ym mhob agwedd ar fywyd yr Eglwys, o addoli ac addysgu i reoli adeiladau, tir, ac adnoddau ariannol yn gynaliadwy.
Newyddion
Adnewyddu St Cadoc, Caerllion
Mae Sant Cadog yng Nghaerllion yn cael ei adnewyddu gyda'r nod o gael yr eglwys i sero net. Mae pympiau gwres ffynhonnell aer yn cael eu gosod ar gyfer gwresogi dan y llawr a hefyd paneli solar PV. Gadewch i ni gael golwg gyda'r Parchedig Sue Pratten!
Gwahanu gwastraff ar gyfer ailgylchu a thynhau rheoliadau gwastraff bwyd
O 6 Ebrill 2024, mae cyfraith ailgylchu annomestig yn newid yng Nghymru.
Bydd gofyn i bob eglwys a neuadd eglwys fod yn fwy trylwyr wrth ddidoli gwastraff i'w ailgylchu er mwyn galluogi mwy o ailgylchu ac osgoi’r posibilrwydd o groeshalogi.
Darllenwch ein canllaw.
Gwahardd plastig untro a chyngor i eglwysi
Dechreuodd Cam 1 Deddf Diogelu'r Amgylchedd (Cynhyrchion Plastig Un Defnydd) (Cymru) ddydd Llun, Hydref 30ain.
Darllenwch ein canllaw.
Syniadau nesaf
Sero net yw’r nod: Ble i ddechrau?
Gallwch ddechrau gyda chyfl awniadau cyfl ym a symud ymlaen i fentrau mwy sy’n fwy uchelgeisiol. Anogwch bobl i’ch cefnogi gan ddangos y manteision amlwg ar hyd y ffordd.
Darllenwch ein canllaw deg pwynt.
Llwybr ymarferol tuag at carbon sero net ar gyfer ein heglwysi
Meddwl ble i ddechrau ar y daith di-garbon net? Argymhellion sy’n ceisio helpu eglwysi i leihau eu defnydd o ynni a’r allyriadau carbon cysylltiedig.
Y Pecyn Cymorth Ôl-troed Ynni
Mae’r Pecyn Cymorth Ôl-troed Ynni yn un o’r dulliau rydym wedi’u datblygu i fonitro ein cynnydd.
Mae’r briff cyfarwyddiadau atodol yn esbonio sut i gofrestru a defnyddio’r Pecyn Cymorth Ôl-troed Ynni. Gellir defnyddio’r adnodd yn hawdd, mae ar gael i holl eglwysi’r Eglwys yng Nghymru, a bydd yn ein helpu i leihau ein heffaith ar yr hinsawdd.
Eglwys Eco - Prosiect Rocha UK
Eglwys Eco: Mae Eglwys Eco Rocha yn ffordd wych o gynllunio eich llwybr i fod yn eglwys ecogyfeillgar ac fe’i cefnogir gan holl Esgobaethau Cymru. Mae Eco Church hefyd wedi cynhyrchu rhai adnoddau newydd rhagorol:
Llwybr Ymarferol i Sero Net ar gyfer Persondai
Awgrymiadau defnyddiol ar gyfer effeithlonrwydd ynni a lleihau ynni mewn persondai.
Fframwaith Carbon Sero Net yr Eglwyn yng Nghymru
Camu Ymlaen gyda’n huchelgais sero net.
Mae’r Fframwaith hwn, ymateb i’r her Carbon Sero Net, yn nodi safbwynt yr Eglwys yng Nghymru ar fynd i’r afael â’r bygythiad o newid yn yr hinsawdd.
Dulliau ymarferol ac ysgrythurol
- Ailddarganfod ein galwad graidd i ofalu am y greadigaeth:
Ein Galwad Cristnogol i Ofalu am y Greadigaeth (PDF) - Mae canllawiau defnyddiol iawn wedi’u paratoi gan Esgobaeth Bangor ar Eco-Eglwys i helpu eglwysi lleol yng Nghymru i gymryd rhan:
Treio'n Ysgafn ar Dir Sanctaidd. Canllaw byr i Eco-Eglwys (PDF) - Gall y llyfryn Eco-Eglwys hynod ddefnyddiol ac ymarferol hwn a luniwyd gan Esgobaeth Llanelwy eich rhoi ar ben ffordd ar eich taith Eco-Eglwys:
Gofalu am ein gilydd, gofalu am greadigaeth Duw (PDF) - Mae’r calendr myfyriol Gofalu am y Greadigaeth, a gynhyrchwyd gan Esgobaeth Tyddewi, yn tynnu sylw at themâu amgylcheddol allweddol drwy gydol y flwyddyn litwrgaidd:
Gofalu am y Greadigaeth drwy’r Flwyddyn Litwrgaidd (PDF) - Hefyd, am ysbrydoliaeth, edrychwch ar straeon a fideos eco-eglwysi bendigedig o Lanelwy.
https://dioceseofstasaph.org.uk/eco-church/eco-church-stories-and-inspiration/ - Mae Eglwys Loegr wedi paratoi gweminarau gwych ar bynciau yn ymwneud â sero net:
Gweminarau ar gyrraedd sero carbon net | Eglwys Loegr - Ar ôl llwyddiant Sul yr Hinsawdd, mae gwefan bwrpasol Dydd Sul yr Hinsawdd yn parhau i fod yn weithredol ac mae ganddi adnoddau gwych o hyd:
Dydd Sul yr Hinsawdd | Cartref | Addoli | Ymrwymo | Siaradwch - Mae rhai cynhyrchion a gwasanaethau defnyddiol iawn a all eich helpu i arbed ynni ac arian wrth Brynu Plwyf:
Prynu Plwyf - Prynu Plwyf - Prynu Gyda'n Gilydd Achub Gyda'n Gilydd - Adnoddau i gefnogi plant a phobl ifanc:
Ffrindiau'r Byd - Mae Cymorth Cristnogol yn cynnig cyfoeth o adnoddau ar effeithiau newid hinsawdd ar ein byd:
Cyfiawnder Hinsawdd - Cymorth Cristnogol
Cysylltwch
Os oes gennych unrhyw awgrym neu adborth yr hoffech ei rannu am Ddi-Garbon Net yr Eglwys yng Nghymru defnyddiwch y ffurflen adborth hon i wneud cyflwyniad. Byddem yn croesawu unrhyw awgrym.