Ymwybyddiaeth o Ddiogelu yr Eglwys yng Nghymru Modiwl A

Mae cwrs Ymwybyddiaeth o Ddiogelu yr Eglwys yng Nghymru wedi’i anelu at bob un ohonom o fewn ein cymunedau Eglwysig, gyda’r nod o’ch harfogi chi i helpu gwneud yr eglwys – a chadw’r eglwys – yn fan diogel.

Mae diogelu yn greiddiol i fywyd yr eglwys, yn greiddiol i genhadaeth a gofal fugeiliol, ac mae’n ymwneud cymaint â diwinyddiaeth, yr ysgrythur a gweinidogaeth ag y mae’n ymwneud â’r gyfraith.

Mae wyth sesiwn yn rhan o’r cwrs hwn:

1. Cyflwyniad
2. Beth yw Diogelu?
3. Diogelu a’r Efengyl
4. Pwy sydd mewn perygl (Plant ac Oedolion)
5. Mathau o gamdriniaeth
6. Cyd-destunau risg eraill
7. Beth i wneud os (& Cyfrinachedd)
8. Casgliad

Mae gan y cwrs hwn Amcanion Dysgu penodol. Golyga’r rhain y byddwch, o gwblhau’r cwrs, yn gallu:

• Esbonio’r term Diogelu ac arddangos dealltwriaeth sylfaenol o’r cyfreithiau sy’n ymwneud â diogelu.
• Deall diogelu yng nghyd-destun yr eglwys.
• Adnabod arwyddion o wahanol fathau o niwed, camdriniaeth ac esgeulustod o blant ac oedolion mewn perygl.
• Arddangos sut caiff unigolion eu gwarchod rhag niwed, camdriniaeth ac esgeulustod.
• Adnabod eich rôl chi eich hun mewn perthynas â diogelu a’i bod yn ddyletswydd arnoch i adrodd ynghylch pryderon.
• Gwybod pa gamau i’w cymryd os byddwch yn dyst i gamdriniaeth neu os bydd rhywun yn dweud wrthoch am gamdriniaeth.
• Adnabod ffiniau cyfrinachedd.