Cwestiynau Cyffredin - Cronfa Twf yr Eglwys

Mae'r cyntaf, haen 1, ar gyfer ceisiadau grant o £10,000 neu lai, yn bennaf o ardaloedd gweinidogaeth/cenhadaeth, ar gyfer gwaith sy'n arloesol yn lleol ac yn bosibl i’w ddyblygu yn genedlaethol.

Gellir dod o hyd i'r holl fanylion ar sut a phryd i gyflwyno cais am grant Haen 1 yma: Cyflwyno ceisiadau grant Haen 1.

Rhaid anfon pob cais am grant Haen 1 at esgob yr esgobaeth i dderbyn cefnogaeth ysgrifenedig heb fod yn hwyrach na 28 diwrnod gwaith cyn cyflwyno i Grŵp Dyrannu Cronfa Twf yr Eglwys.

Bydd pob cais am grant Haen 1 yn cael ei ystyried gan Grŵp Dyrannu Cronfa Twf yr Eglwys, a rhaid cyflwyno ceisiadau grant heb fod yn hwyrach na 14 diwrnod gwaith cyn y disgwylir i Grŵp Dyrannu Cronfa Twf yr Eglwys gyfarfod.

Gall Ardal Weinidogaeth neud cais am gyllid ar gyfer mwy nag un prosiect Haen 1. Nid oes cyfyngiad ar faint o geisiadau Haen 1 y gellir eu cyflwyno gan bob Ardal Weinidogaeth. Fodd bynnag, rhaid gwneud ceisiadau ar sail un cynnig, un prosiect.

Na - ni chaniateir defnyddio'r ffrwd Haen 1 i gefnogi prosiectau adeiladu. Gellir defnyddio grantiau Haen 1 ar gyfer llogi adeilad dros dro os yw'n hanfodol ar gyfer y prosiect.

Na - ni chaniateir defnyddio'r ffrwd Haen 1 i gefnogi costau staffio.

Bydd ymgeiswyr yn cael gwybod am benderfyniadau Grŵp Dyrannu Cronfa Twf yr Eglwys cyn gynted â phosibl a heb fod yn hwyrach na phum diwrnod gwaith ar ôl i'r Grŵp gyfarfod.

Na - nid oes angen i chi lofnodi Telerau ac Amodau Grant Haen 2, gan fod y rhain yn berthnasol i geisiadau grant Haen 2 yn unig. Fodd bynnag, efallai y bydd telerau ychwanegol yn cael eu gosod gan Grŵp Dyrannu Cronfa Twf yr Eglwys sy'n benodol i'ch grant – bydd y rhain yn cael eu hesbonio’n glir i chi os cymeradwyir eich grant.

Mae'r ail, haen 2, ar gyfer ceisiadau grant dros £10,000. Dim ond esgobaethau unigol, esgobaethau sy'n gweithio mewn partneriaeth neu'r chwe Chadeirlan fel grŵp, sy’n cael gwneud ceisiadau.

Ni phennir uchafswm grant ar gyfer cais Haen 2, ond bydd ceisiadau am dros £5m ond yn cael eu derbyn gan fwy nag un esgobaeth yn cydweithio.

Gellir dod o hyd i'r holl fanylion ar sut a phryd i gyflwyno cais am grant Haen 2 yma: Cyflwyno ceisiadau grant Haen 2.

Rhaid i bob cais gael cefnogaeth ysgrifenedig esgob yr esgobaeth, Pwyllgor Sefydlog yr Esgobaeth a Bwrdd Cyllid yr Esgobaeth. Pan fo cais gan fwy nag un Esgobaeth neu o'r chwe Chadeirlan, byddwn yn cytuno ar drefniadau cefnogaeth ysgrifenedig priodol fesul achos.

Mae pob cais am grant Haen 2 yn cael ei gyflwyno i'r Fainc i'w drafod yn gyffredinol, cyn ei gyflwyno'n ffurfiol i Grŵp Dyrannu Cronfa Twf yr Eglwys i'w gymeradwyo heb fod yn hwyrach na 14 diwrnod gwaith cyn y disgwylir i'r Grŵp gyfarfod.

Nod y gronfa hon yw galluogi gwaith gan bobl gyda phobl - nid cronfa adeiladu yw hi yn y bôn. Rhaid i unrhyw geisiadau i gyllido gwaith i adeiladau nodi'n glir ac yn gynhwysfawr sut y byddai gwaith o'r fath yn hwyluso, cefnogi a chynorthwyo'r gwaith o gyflawni'r rhaglen efengylu a ddisgrifir yng nghais y prosiect yn gyfan gwbl ac yn llwyr. Fel arfer, ni fyddai costau adeiladu o'r fath yn cynrychioli mwy na 15% o'r grant a wneir gan Gronfa Twf yr Eglwys.

Caniateir defnyddio grantiau ar gyfer llogi eiddo dros dro, os yw'n hanfodol i'r prosiect. Bydd angen ystyried costau rhentu unrhyw drefniadau prydles yng nghyd-destun y prosiect ehangach.

Bydd cyllid ar gyfer datblygu prosiectau sydd eisoes ar waith yn cael ei ystyried ond nid yw'r gronfa yn gallu ariannu gwaith sydd eisoes wedi'i wneud.

Yn achos ceisiadau grant Haen 2, dim ond ceisiadau gan esgobaethau, grwpiau o esgobaethau neu'r chwe chadeirlan fel grŵp gaiff eu hystyried. Bydd cynigion am gyllid grant ond yn cael eu hystyried gan eglwysi unigol, ardaloedd gweinidogaeth neu gadeirlan unigol yng nghyd-destun cais strategol trosfwaol gan esgobaethau neu'r chwe chadeirlan fel grŵp.

Bydd ymgeiswyr yn cael gwybod am benderfyniad Grŵp Dyrannu Cronfa Twf yr Eglwys cyn gynted â phosibl a heb fod yn hwyrach na phum diwrnod gwaith ar ôl i'r Grŵp gyfarfod.

Oes - os cymeradwyir eich grant, gofynnir i chi dderbyn Telerau ac Amodau Grant Haen 2 yn ffurfiol. Efallai y bydd telerau ychwanegol yn cael eu gosod gan Grŵp Dyrannu Cronfa Twf yr Eglwys sy'n benodol i'ch grant – bydd y rhain yn cael eu hesbonio’n glir i chi os cymeradwyir eich grant.