Cyflwyno ceisiadau grant Haen 1

Mae'r dudalen hon yn darparu canllawiau ar gyflwyno ceisiadau am grant Haen 1 i Gronfa Twf yr Eglwys.

Mae ceisiadau Haen 1 ar gyfer grantiau o hyd at £10,000.

Gallwch ddod o hyd i rai atebion i gwestiynau cyffredin am geisiadau grant i Gronfa Twf yr Eglwys yma: Cwestiynau Cyffredin - Cronfa Twf yr Eglwys.

Crynodeb cyflym – Ceisiadau grant Haen 1

• Cysylltwch â thîm Cronfa Twf yr Eglwys (churchgrowthfund@cinw.org.uk) i roi gwybod iddynt beth rydych chi'n ei gynnig.
• Lawrlwythwch a llenwch ffurflen gais am grant Haen 1.
• Cyflwynwch eich cais am grant Haen 1 i'r esgob esgobaethol heb fod yn hwyrach na 28 diwrnod gwaith cyn ei gyflwyno i Grŵp Dyrannu Cronfa Twf yr Eglwys.
• Cyflwynwch eich ffurflen gais am grant Haen 1 i Grŵp Dyrannu Cronfa Twf yr Eglwys drwy e-bost (churchgrowthfund@cinw.org.uk) erbyn y dyddiadau cau a nodir isod (heb fod yn hwyrach na 14 diwrnod gwaith cyn cyfarfod Grŵp Dyrannu).
• Byddwch yn cael gwybod am benderfyniad Grŵp Dyrannu Cronfa Twf yr Eglwys heb fod yn hwyrach na phum diwrnod gwaith ar ôl i'r Grŵp gyfarfod.

Datblygu cais am grant Haen 1

Y cam cyntaf mewn unrhyw gais am grant Haen 1 yw rhoi gwybod i dîm Cronfa Twf yr Eglwys beth rydych chi'n ei gynnig drwy e-bostio churchgrowthfund@cinw.org.uk.

Mae'n ofynnol i chi lenwi ffurflen gais Haen 1 er mwyn cyflwyno cais am grant Haen 1. Nid oes angen i chi lofnodi Telerau ac Amodau Grant Haen 2, gan fod y rhain yn berthnasol i geisiadau am grant Haen 2 yn unig. Fodd bynnag, efallai y bydd telerau ychwanegol yn cael eu gosod gan Grŵp Dyrannu Cronfa Twf yr Eglwys sy'n benodol i'ch grant - bydd y rhain yn cael eu hesbonio’n glir i chi os cymeradwyir eich grant.

Gellir dod o hyd i'r meini prawf ar gyfer grant Haen 1, y ffurflen gais a'r Telerau ac Amodau Grant yma – darllenwch y ddwy ddogfen ganlynol yn ofalus wrth ystyried a yw eich cais am grant yn bodloni meini prawf y Gronfa:

• Haen 1 - Ffurflen Gais Cronfa Dyrannu Twf yr Eglwys

(Talwch sylw manwl i gymal g yn y ffurflen gais, sy'n esbonio na ellir defnyddio'r ffrwd Haen 1 i gefnogi costau staffio neu brosiectau adeiladu.)

Cyflwyno cais am grant Haen 1

Rhaid anfon pob cais am grant Haen 1 at esgob yr esgobaeth am gefnogaeth ysgrifenedig heb fod yn hwyrach na 28 diwrnod gwaith cyn eu cyflwyno i Grŵp Dyrannu Cronfa Twf yr Eglwys.

Ar ôl erbyn cefnogaeth gan esgob yr esgobaeth, gellir cyflwyno eich cais am grant Haen 1 i churchgrowthfund@cinw.org.uk erbyn y dyddiadau cau a nodir isod.

Bydd pob cais am grant Haen 1 yn cael ei ystyried gan Grŵp Dyrannu Cronfa Twf yr Eglwys, a rhaid cyflwyno ceisiadau am grant heb fod yn hwyrach na 14 diwrnod gwaith cyn y disgwylir i Grŵp Dyrannu Cronfa Twf yr Eglwys gyfarfod.

Dyma’r dyddiadau cau ar gyfer cyflwyno ceisiadau grant Haen 1:

• 8 Mai 2024 (ar gyfer Cyfarfod Grŵp ar 29 Mai 2024)
• 23 Awst 2024 (ar gyfer Cyfarfod Grŵp ar 12 Medi 2024)

Yna bydd y ceisiadau am grant Haen 1 yn cael eu hystyried gan Grŵp Dyrannu Cronfa Twf yr Eglwys. Gallwch ddod o hyd i holl ddyddiadau cyfarfodydd Grŵp Dyrannu Cronfa Twf yr Eglwys yma: Dyddiadau cyfarfodydd taleithiol

Bydd ymgeiswyr yn cael gwybod am benderfyniad Grŵp Dyrannu Cronfa Twf yr Eglwys cyn gynted â phosibl a heb fod yn hwyrach na phum diwrnod gwaith ar ôl i'r Grŵp gyfarfod.

Felly, yn ymarferol, dylech geisio cwblhau eich cais am grant Haen 1 o leiaf fis cyn y dyddiad cau (fel y gallwch gyflwyno'r cais i'r esgob esgobaethol a Grŵp Dyrannu Cronfa Twf yr Eglwys o fewn pob dyddiad cau priodol a chaniatáu amser i wneud newidiadau yn ôl yr angen).

Dyma ychydig o arweiniad ar gyflwyno eich cais am grant Haen 1: