Llyfr Grawys Archesgob Cymru

Dewiswyd llyfr newydd gan Esgob Llanelwy yn cynnwys cymeriadau stori’r Pasg yn Llyfr Grawys Archesgob Cymru am 2023.

Ysgrifennwyd An Easter Book of Days: Meeting the Characters of the Cross and Resurrection gan Gregory Cameron ac mae’n dilyn ei lyfr llwyddiannus Advent Book of Days, sy’n rhoi sylw i gymeriadau Stori’r Nadolig.

Mae Archesgob Cymru, Andrew John, yn annog pobl i ddefnyddio An Easter Book of Days yn ystod y Grawys sy’n cychwyn ddydd Mercher y Lludw ar 22 Chwefror. Dywedodd fod y llyfr yn rhoi cyfle i fyfyrio ar neges Gristnogol y Pasg.

Dywedodd, “Mae’r llyfr hyfryd a dwfn hwn yn mynd â ni ar daith mor gyfoethog yn ei eiriad ag yw yn ei ddelweddau. Gan olrhain y cymeriadau yn stori’r Pasg, mae’r Esgob Gregory yn ein tynnu i mewn wrth i ddrama’r Un y mae ei farwolaeth a’i atgyfodiad wedi llunio hanes yn fwy na neb arall erioed. Fel bob amser gyda straeon fel hyn, mae hyn yn ymwneud ag effaith ehangach ei fywyd a hefyd sut y cyffyrddodd unigolion a dangos her a harddwch cariad Duw iddo. Os darllenwch y llyfr hwn (ac mae’n haeddu cael ei ddarllen yn agos) bydd yn cael yn union yr un effaith arnoch chi.”

Mae An Easter Book of Days yn cynnwys 25 cymeriad yn cynnwys ffigurau hanesyddol, lleoliadau hanesyddol pwysig a chyfnodau allweddol. Ymysg y cymeriadau mwyaf anarferol yw’r Ebol Asyn ar y chweched diwrnod. Yn draddodiadol, disgrifir yr Iesu fel cyrraedd Jerwsalem ar gefn asyn. Mae’r llyfr hwn yn edrych ar y proffwydoliaethau ar gyfer y digwyddiad hwn, esbonio ei le mewn hanes, ystyried y chwedlau a fu ynghlwm â’r cymeriad ac ymchwilio ei arwyddocâd posibl i ni heddiw.

Ymysg y cymeriadau eraill mae Barabbas, y gwnaeth Pilat ei ryddhau yn lle Iesu, Joseff o Arimathea, a oedd yn ôl yr hanes yn fasnachwr cyfoethog a ddaeth â Iesu i Loegr, a Veronica y dywedir iddi fod wedi sychu talcen Iesu wrth iddo gerdded i Galfaria. Mae hefyd yn cynnwys pobl a sefyllfaoedd a gysylltir yn fwy cyffredin gyda’r Pasg, fel Jwdas Iscariot, Mair Magdalen a’r Bedd Gwag.

Dywedodd yr awdur, yr Esgob Gregory: “Gobeithiaf y bydd y llyfr hwn yn ddefnyddiol i bobl wrth iddynt ddeall cymhlethdodau Stori’r Pasg. Mae mwy o gysgodion o amgylch rhai o’r cymeriadau yr ydym yn cwrdd â nhw ond mae goleuni Crist a’i ras trawsnewidiol hefyd yn amlycach.”

• Cyhoeddwyd An Easter Book of Days gan Canterbury Press ac mae ar gael am £8.99 neu o siopau llyfrau a siopau ar-lein. Mae ei awdur, Esgob Llanelwy hefyd yn galigraffydd ac ysgrifennu eiconau ac mae wedi creu’r darluniau ar gyfer y llyfr,