Gweddïau: Gwylnos a Dydd Gweddi dros Genhadaeth yr Eglwys
29 Tachwedd
Colect 314
Hollalluog Dduw,
a elwaist dy Eglwys i dystiolaethu
mai yng Nghrist y cymodaist y byd â thi dy hun:
cynorthwya ni i gyhoeddi
newyddion da dy gariad,
er mwyn i bawb sydd yn eu clywed gael eu huno gyda thi;
trwyddo ef a fu farw er ein mwyn,
a gyfododd drachefn
ac sydd yn teyrnasu gyda thi a’r Ysbryd Glân,
yn un Duw, yn awr a hyd byth.
Colect 362
Nefol Dad,
datgelaist dy gariad
trwy ddanfon dy unig Fab i’r byd
fel y gall pawb fyw trwyddo ef:
caniatâ i’th Eglwys drwy nerth yr Ysbryd
ufuddhau i’th orchymyn
i wneud disgyblion o’r holl genhedloedd;
trwy Iesu Grist ein Harglwydd.
Gweddi Ôl Gymun 363
Roddwr tragwyddol cariad a nerth,
danfonodd dy Fab Iesu Grist ni i’r holl fyd
i bregethu efengyl ei deyrnas:
Cadarnha ni yn y genhadaeth hon,
a helpa ni i fyw’r newyddion da a gyhoeddwn;
trwy Iesu Grist ein Harglwydd.
Calendr Newydd Diwygiedig a'r Colectau Cyfoes